گل حيات ۾ موجود ماھتاب محبوب جو لکيل ناول” خواب خوشبو ڇوڪري “( 2010) ھڪ تخليقي ذھن مان اھا اميد رکڻ تہ ھو ڪنهن ادبي صنف جي کوٽ پوري لاءِ زوريءَ ڪھاڻيون ويھي گھڙي يا جبري ذھني پورھيو ڪري ناول گيري کي اچي لڳي تہ اھو نہ اديب سان انصاف ٿيندو نہ ئي ڪنهن ادبي صنف سان.سموري واويلا جي باوجود ڪھاڻي بہ ٺوڪجي وڃڻ بدران لکجي پئي،شاعري ۾ بہ جي برڪت آھي تہ ادب جي گھڻ گھرن کي اعتراض ڪرڻ بدران ان جي زرخيزي تي سوچڻ گھرجي تہ اُھي ڪھڙا سبب آھن جنهنڪري اسان جي قوم ايڏي رنگين مزاج ۽ نفيس خيالن جي مالڪ نڻجي پئي آھي جو ھر ٻيو ماڻھون شاعر ٿيڻ ٿو چاھي.آغا سليم ھن ناول بابت لکي ٿو تہ سچ پچ تنهنجي ھن ناول جو آخري باب پڙھي اندر ۾ درد جو تاج محل اڏجي ويو،ھميشہ جھڙي سھڻي ۽ مٺڙي ٻولي ۽ پنهنجي طبيعت واري سچائي ۽ بي ساختگي.انساني رشتن جي منجهيل ۽ ڳتيل پٽ ڌاڳن تي ھڪڙو ڀرپور ناول آھي.
(ممتاز پٺاڻ)
